Greinasafni: Sveitarfélög einnig undir: Hótel og gistingMenntunSöfn
Hólar í Hjaltadal

Hólar í Hjaltadal
Söguupplifun í fallegu umhverfi

Hið forna höfuðból Norðurlands, Hólar í Hjaltadal, hefur rótgróin stað í minni þjóðarinnar. Í gegnum hina ýmsu sögulegu atburði sem tengjast Hólum, hefur þetta forna biskupssetur, sem nú hýsir háskóla, sannarlega markað spor í sögunni. En það er ekki aðeins sagan sem dregur fólk að Hólum í Hjaltadal. Fyrir það fyrsta er þetta með eindæmum fallegur staður, umkringdur skógivöxnum hlíðum. Þar má hins vegar einnig finna fyrirtaks gistiaðstöðu, hvort sem óskað er eftir hótelgistingu, svefnpokaplássi eða tjaldaðstöðu. Auk þess hafa Hólar yfir að geyma veitingahúsið Undir Byrðunni þar sem finna má rétti úr fyrsta flokks hráefni af svæðinu, undir merki Matarkistu Skagafjarðar. Rétti á borð við hólableikju og reyktan lunda úr Drangey.

Vilji maður svo sökkva sér ofan sögu staðarins má skoða dómkirkjuna og reisulegan kirkjuturninn sem hefur orðið að einkennistákni staðarins, sem og Auðunarstofu og torfbæinn Nýjabæ. Göngustígar eru margir í kringum Hóla en einnig er hægt að fá upplýsingar um lengri göngur um fjöllin í kring og Tröllaskagann. Það væri ekki amalegt að leggja í hresslega göngu og kanna suma af þessum fjölmörgu stígum í kringum Hóla, líta afkastamikla skógræktina, koma svo heim að Hólum, kíkja í sund og enda svo góðan dag í notalegri stemningu á Undir Byrðunni.

Hólar í Hjaltadal
Hólum 551 Sauðárkrókur
+354 455 6300
holaskoli@holar.is
www.holar.is


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga