Greinasafni: Sveitarfélög einnig undir: Veitingar
Narfeyrarstofa
Narfeyrarstofa
Hið ljúfa líf fyrir vestan

Stykkishólmur hefur lengi vel verið talinn einn fegurstu bæjum landsins. Einstaklega fallegur byggingarstíll einkennir litla bæjarfélagið á Snæfellsnesinu sem ber enn sterkan keim af byggingarstíl gamla danaveldisins sem blómstraði á sínum tíma. Ferðamennskan hefur lífgað upp á lífið í bænum og sækja þúsundir manns bæinn heim, bæði erlendir og íslenskir ferðamenn í leit að ævintýrum í íslenskri náttúru, sem og í menningu og góðum mat. Það hljómar kannski furðulega en Stykkishólmur er paradís kaffiunnandans enda ekki langt að leita að góðu kaffi. Það er einmitt á Narfeyrarstofu þar sem besta kaffi bæjarins er lagað af þjálfuðu fagfólki og er erfitt að finna betri kaffibolla þótt lengra væri leitað.
Narfeyrarstofa er í eigu hjónanna Selmu Rutar Þorkelsdóttur og matreiðslumannsins og yfirkokksins Guðbrandar Gunnars Garðarssonar og bjóða þau hjónin meðal annars upp á ljúffenga sjávarrétti sem sælkerakokkar frá Noregi lýstu sem „hápunkti íslandsferðar sinnar“ s.l. haust. Mikil áhersla er lögð á að notast við ferskt hráefni í matargerðina. Gunnar yfirkokkur hefur meðal annars verið verðlaunaður í Danmörku fyrir eftirrétti sína. Hann sækir kunnáttu og reynslu sína meðal annars til starfa á veitingastöðum innanlands og utan. Hann er útlærður súkkulaði-meistari og það er því ómögulegt að standast freistinguna, jafnvel eftir að hafa snætt holla og góða máltíð. Gott orðspor Narfeyrarstofu hefur borist handan hafsins mikla til dyra konungsborna gesta sem sækja sjávarþorpið heim og nutu ljúffengrar máltíðar í húsi sem endurskapar stemningu liðinna tíma. Það er engu líkara en að hjólum tímans hafi verið snúið og gestir upplifa löngu gleymda stemmingu fyrstu ára tuttugustu aldarinnar undir dönskum áhrifum.

Nú þegar sólin skín sínu skærasta er upplagt að leggja leið sína í Stykkishólm sem er einungis í 2ja klukkstunda akstursfjarlægð frá höfuðborgarsvæðinu og njóta matargerðar á heimsmælikvarða við sjávarsíðuna þar sem andi liðinnar tíðar svífur enn yfir vötnum.

Narfeyrarstofa

Aðalgata3 • 340 Stykkishólmur
+354 438 1119
narf@narf.is
www.narfeyrarstofa.is

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga