Greinasafni: Veitingar
Sælkeramatur frá Eþíópíu hjá Minilik á Flúðum
Sælkeramatur frá Eþíópíu
Minilik á Flúðum

Eþíópía er okkur nánast eins framandi og tunglið. Þessi aldagamla menningarþjóð á sér þrjú til fjögur þúsund ára sögu með mannlífi og matarhefðum, menningu og listum sem við vitum fátt um – ef eitthvað. Það hefur lítill sem enginn snertiflötur verið á milli þjóðanna, en það er að breytast. Á Flúðum er yndislegt veitingahús sem ber heitið Minilik. Þar gefst gestum og gangandi kostur á að gæða sér á eþíópískum mat og upplifa þá alúð sem sú þjóð leggur í matargerð. Og það er af nógu að taka vegna þess að í Eþíópíu eru 85 ættbálkar sem hafa 85 mállýskur, eiga sér 85 menningarheima og byggja á 85 mismunandi matarhefðum. Það er því ekki að undra að eþíópísk matargerð njóti sívaxandi vinsælda í Evrópu og Bandaríkjunum. Hefðin er bæði rík og fjölbreytt.
Minilik þýðir Sonur hins vitra manns og auðvitað er saga á bak við nafnið. Minilik var sonur drottningarinnar Shebu. Í Biblíunni segir frá því að Sheba hafi heimsótt Salómon konung í Jerúsalem til að nema visku hans. Hún færði honum gull og aðrar gersemar – og að sjálfsögðu urðu þau elskendur. Konungurinn gerði henni son sem hún ól eftir að hún sneri aftur til Eþíópíu. Hann fékk nafnið Minilik. Uppistaðan í réttunum á Minilik er grænmeti sem er í samræmi við matarhefðir Eþíópíu. Staðurinn er því ákaflega vel í reit settur á Flúðum. Einnig er boðið upp á kjötrétti, lamb, naut og kjúkling. Maturinn er borinn fram með eþíópísku brauði sem líkist íslensku pönnukökunum og er brauðið notað í stað mataráhalda til að færa matinn upp í munn og ofan í maga. Það verður að játast að það er alveg sérstök tilfinning að borða með höndunum. Eigendur Minilik, Árni Hannesson og Aseb Kahssay segja enga ástæðu til að loka staðnum þótt hinn eiginlegi ferðamannatími sé liðinn. Áfram verði opið fram til 9. desember fyrir heimamenn og þá sem dvelja í sumarbústöðum á svæðinu.
Opnunartímar verða frá 18.00 til 21.00 á miðvikudögum, fimmtudögum og föstudögum og frá 14.00 til 21.00 á laugardögum. Hins vegar eru þetta aðeins föstu opnunartímarnir, því hægt er að hringja utan þess tíma í 846-9798 og panta mat, annað hvort til að taka með sér eða til að gæða sér á,
á staðnum. Pöntunin verður þó að vera fyrir fjóra eða fleiri.www.minilik.is ">

www.minilik.is

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga