Ritstjórnarpistill
Land og Saga kemur nú út í síðasta sinn undir því heiti. Eins og ljóst má vera af öllum þeim upplýsingum sem fram koma í blaðinu, búum við í heimi sem breytist hratt í kjölfar kreppu. Við erum farin að líta okkur nær, huga að því sem betur má fara og taka stefnu á heilladrýgri framtíð í umgengni okkar við náttúru og mannlíf.
Í þessu blaði förum við víða í leit okkar að áhugaverðum nýmælum og framtíðarsýn. Við forvitnumst um það sem er efst á baugi hjá Framkvæmdasýslu ríkisins sem er í forystu varðandi nýmæli í byggingum og hönnun hér á landi. Við skoðum hugmyndir Metró-hópsins um jarðlestakerfi á höfuðborgarsvæðinu, skoðum kosti fallvatnsvirkjana og nýstárlegra rafmagnsflutningakerfa og hugmydir fagaðila um betri borg. Einnig kynnum við nýja gátt sem er að opnast fyrir íslensk fyrirtæki til að starfa erlendis og ræðum af því tilefni við Alberto de Souca Costas, forseta On Guard for Humanity en hann stendur, ásamt Brúarfossi, fyrir ráðstefnu hér á landi til kynningar á þeirri gátt í næstu viku.

Rafmagnshjól eru óneitanlega hluti af nýrri framtíðarsýn á Íslandi og við kynnum okkur slík hjól sem þegar eru til sölu hérlendis. Saga Reykjavíkur er mikil og merkileg. Við ræðum við Þorstein Jónsson rithöfund sem ritar sögu Reykjavíkur þessi misserin, tíu bindi sem byggja á íbúatali frá 1910. Auk þess er rætt við Heiðrúnu Kristjánsdóttur myndlsitarmann sem hefur gefið bókmenntaarfinum nýtt hlutverk í formi myndlistar. Við kynnum nýja, glæsilega Heilsutorgið í Blómavali, Skútuvogi og vekjum athygli á skemmtilegum veitingastöðm og áhugaverðum gistimöguleikum.

Næsta blað hjá okkur kemur út í byrjun nóvember og þá undir heitinu Hugvit og hönnun. Markmiðið er að gefa það blað út mánaðarlega í byrjun hvers mánaðar. Nánari upplýsingar um það blað er að finna hér neðar á síðunni.

Um leið og ég þakka samfylgd ykkar í Landi og Sögu, hlakka ég til samstarfsins við ykkur í  Hugvit og Hönnun.

Útgefandi
Land & Saga  ehf.
Síðumúla 1, 108 Reykjavík
Sími 578 5800
info@landogsaga.is
www.landogsaga.is


Ritstjóri og framkv.stjóri

Einar Þorsteinsson
einar@landogsaga.is


Prentun
Landsprent

Umbrot og Hönnun
Umbrotsteymi Land & Saga

Blaðamenn
Súsanna Svafarsdóttir
Steingerður Steinarsdóttir
Sigrún Pétursdóttir
Nanna Hlín Halldórsdóttir
Andrew Fortune
Vignir Andri Guðmundsson


Markaðs & Sölumál
Anna Margrét Bjarnadóttir
Elín Bára Einarsdóttir
Elín Sigríður Ármannsdóttir
Erna Sigmundsdóttir
Delphine Briois
Sigurlaug Ragnarsdóttir


Dreifing
Með helgarútgáfu Morgunblaðsins um allt land

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga