Fyrir vel sofandi fólk

Sælurúm, brúðarrúm, ein­stak­­lings­­rúm og fermingarrúm eru meðal þeirra valkosta sem bjóðast í RB rúmum – einu þekktasta og virtasta fyrirtæki landsins. Stofnað árið 1943 og því tæpra sjötíu ára gamalt, hefur R.B-rúm tryggt heilu kynslóðunum góðan nætursvefn. Að ekki sé talað um gesti allra þeirra hótela og gistiheimla sem bjóða upp á RB rúm.
Þekktast er fyrirtækið fyrir RB springdýnurnar en þær hafa verið framleiddar hér á landi í 66 ár. Hægt er að velja um fjórar tegundir af springdýnum: RB venjulegar; Ull-deluxe; Super-deluxe og Grand-deluxe. Fjórir stífleikar eru í boði á allar þessar fjórar tegundir; mjúk, medíum, stíf og extrastíf, allt eftir óskum hvers og eins. Fyrirtækið getur breytt stífleika springdýnanna og er eina þjónustufyrirtækið á sínu sviði sem býður endurhönnun á springdýnum eftir áralanga notkun. RB rúm framleiðir einnig sérhannaðar sjúkradýnur. Springdýnurnar frá RB rúmum eru og hafa verið í fjöldamörgum rúmum ánægðra og vel sofandi Íslendinga í gegnum árin.
Einstaklingsrúmin fást í mörgum stærðum. Reyndar býður fyrirtækið upp á þá afbragðs þjónustu að hanna rúmið eftir óskum og hugmyndum viðskiptavinarins.
RB rúm hefur hlotið fjölda verðlauna fyrir hönnun sína, meðal annars alþjóðlegu verðlaunin á International Quality Crown Awards í London  fyrir vandaða framleiðslu og markaðssetningu.  Þetta eru stór verðlaun og aðeins eitt fyrirtæki í hverri grein hlýtur þau ár hvert. Ekki er hægt að sækja um að verða tilnefnd heldur verður einhver að tilnefna fyrirtæki sem skarar fram úr. 
Hjá RB rúmum er mikið lagt upp úr góðri þjónustu. Markmiðið er að viðskiptavinurinn fái þar bæði sterkari og endingarbetri vöru en fæst annars staðar. Inni í þeirri þjónustu er endurnýjun á RB springdýnum – en afar sjaldgæft er að slíkar dýnur séu hannaðar fyrir endurnýjun.
Auk rúmanna, sérhæfa RB rúm sig í hönnun á bólstruðum rúmgöflum, náttborðum og fleiri fylgihlutum, til dæmis fallegum og vönduðum sængurfatnaði og rúmteppum. Einnig er þar boðið upp á viðhald á springdýnum og eldri húsgögnum.

www.rbrum.is

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga