Heitt í skammdeginu
Heitt í skammdeginu
Fyrirtækið Glófa sem framleiðir merkið Varma ættu flestir að kannast við enda margir sem hafa yljað sér með aðstoð þessa stærsta framleiðanda prjónavöru á Íslandi. Helstu framleiðsluvörur fyrirtækisins eru sokkar, vettlingar, húfur, hárbönd, treflar og sjöl, ásamt  alls kyns flíkum úr íslenskri ull, einkum slám, peysum og kápum. Hárbönd með áttablaða rósamynstri og húfur úr ýfðri ull ættu margir að þekkja en einnig býður Glófi vörur úr íslensku lambskinni.
Vorið 2012 var ný mokkavörulína sett á markaðinn, hönnuð af Siggu Heimis iðnhönnuði. Sigga lagði áherslu á að leyfa hráefninu og staðlaðri hönnun að njóta sín en kom m.a. með nýja og skemmtilega útfærslu á vörur eins og höfuðföt og lúffur. Einnig hannaði hún ver sem smeygja má utan um sessur gömlu eldhúskollanna, sem margir eiga í fórum sínum, og kemur sú hugmynd sérstaklega vel út. Kollana má til dæmis finna hjá Epal og í ATMO húsinu. Þess má geta að mokkavörur þykja afskaplega smart erlendis og hönnuðir eins og Karl Lagerfeld  hafa unnið flíkur úr þessu náttúruvæna og hlýja skinni.
Annar hönnuður Laufey Jónasdóttir, er í samstarfi við Glófa, og er prjónalínan Blik afrakstur samstarfs þeirra, bæði fallega grafísk og stílhrein. Blik samanstendur af sextán vélprjónuðum flíkum og aukahlutum undir áhrifum frá þjóðsögunni um Þóruhólma sem fjallar í stórum dráttum um mann sem sat að fiskidrætti og krækti sér í hafstúlku.
Glófi leggur áherslu á að þróa og nýta íslenska ull í hágæða íslenska vöru og vera trú uppruna sínum, enda gæði íslensku ullarinnar og mokkaskinnsins einstök.
www.varma.is

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga