Ferðaþjónustan Mjóeyri

Ferðaþjónustan Mjóeyri

Boðið er upp á ýmsa gistimöguleika
Ferðaþjónustan á Mjóeyri býður upp á ýmsa gistimöguleika á ævintýralegum stað á Mjóeyri við Eskifjörð. Þar eru fimm smáhýsi sem hvert rúmar allt að sjö manns þar sem eru fullbúin eldhús og baðherbergi með sturtu. Þá eru á staðnum þrjú smáhýsi þar sem fjórir geta gist og þar er einnig eldunaraðstaða og baðherbergi með sturtu. Einnig er hægt að gista í nokkrum hlýlegum herbergjum í gistihúsinu á staðnum sem byggt var árið 1895, annaðhvort í uppábúnum rúmum eða svefnpokaplássi. Sameiginlegt baðherbergi er fyrir þessi herbergi.

Útvarp og sjónvarp eru í öllum herbergjunum í gamla húsinu sem og í smáhýsunum.
Þá er stórt tún á svæðinu þar sem hægt er að tjalda og aðgengi er að rafmagni á staðnum.Gestir geta setið á palli fyrir framan gistiheimilið, farið í heitan pott sem búið er að koma fyrir í bát og farið í gufubað sem er í sér baðhúsi. Þvottavél og þurrkari er einnig í því húsi.

„Þetta er þægilegur og góður staður fyrir fjölskyldufólk. Hér er stórt svæði þar sem börn geta leikið sér. Þar eru t.d. fótboltamörk þannig að hægt er að spila þar fótbolta og fara í ýmsa leiki. Þetta er rólegt og notalegt umhverfi og fjaran býður upp á ýmsa möguleika,“ segir Berglind Steina Ingvarsdóttir.

„Við erum líka með veitingastaðinn Randulffs-sjóhús sem er í eigu Sjóminjasafns Austurlands og er sérstakt að því leyti að það er gamalt síldarsjóhús í upprunalegri mynd. Það er opið frá hádegi fram á kvöld og við leggjum áherslu á að bjóða upp á hráefni af svæðinu; t.d. fisk úr firðinum, hreindýr, hákarl og harðfisk.
Húsið var byggt árið 1890 af norðmanninum Peter Randulff. Á neðri hæð hússins, þar sem síldin var unnin, er núna veitingastaðurinn en á efri hæðinni er verbúð síldarsjómanna í sinni upprunalegu mynd en þar hefur engu verið breytt síðan sjómennirnir gengu þaðan út í kringum 1920. Húsið er því í rauninni safn; það er eins og að fara 100 ár aftur í tímann þegar fólk fer upp á efri hæðina.“

-SJ
www.mjoeyri.is

Qoute: Við erum líka með veitingastaðinn Randulffs-sjóhús sem er í eigu Sjóminjasafns Austurlands og er sérstakt að því leyti að það er gamalt síldarsjóhús í upprunalegri mynd.“ - Berglind Steina Ingvarsdóttir, framkvæmdastjóri Mjóeyris

Callout: Góð aðstaða er á palli fyrir framan gistiheimilið þar sem hægt er að sitja og njóta útsýnisins. Þá er hægt að fara í heitan pott sem komið hefur verið fyrir í gömlum árabát eða fara í gufubað í baðhúsinu.

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga