Leiðandi á fistölvumarkaði - Svar tækni kynnir spennandi og litríka kosti fyrir skólafólk
Daníel Rúnarsson, Vöru- og markaðsstjóri og Rúnar Sigurðsson Framkvæmdastjóri hjá Svar tækni.

Svar tækni kynnir spennandi og litríka kosti fyrir skólafólk

Þegar litið er yfir skólastofur á framhalds- og háskólastigi í dag er ekki óalgengt að sjá glampann af ótal fartölvuskjám sem lýsa upp andlit áhugasamra nemenda. Daníel Rúnarsson, Vöru- og markaðsstjóri hjá Svar tækni, segir að fartölvan gegni orðið lykilhlutverki í kennslu í dag og bjóði Svar tækni því upp á fjölbreytta möguleika fyrir námsmenn, allt frá örsmáum og stílhreinum fistölvum og upp í fartölvur með allt að átta tíma rafhlöðuendingu, sem kemur sér vafalaust vel fyrir óstundvísa stúdenta sem missa af þeim sætum sem eru í seilingarfjarlægð við innstungur.

Daníel segir að tölvunotkun við kennslu hafi stóraukist á undanförnum árum og það megi segja að fartölvan sé orðin ákveðin miðpunktur, bæði í samskiptum nemenda og kennara utan skólastofunnar sem og í dreifingu og miðlun kennsluefnis. „Flestir framhalds- og háskólar eru svo með eigin upplýsingakerfi sem eru aðgengileg á netinu og algengt er að kennsla geri ráð fyrir því að nemendur séu með eigin tölvu í kennslustund,“ segir Daníel.

Fistölvur á stærð við bók
Kröfur námsmanna geta verið æði misjafnar að sögn Daníels, en sumir vilji litlar og meðfærilegar tölvur á meðan aðrir vilji stóra og skýra skjái. Hann bendir á að Svar tækni, sem er sölu- og þjónustuaðili fyrir Acer á Íslandi, séu nú að kynna nýja línu sem heitir Timeline og býður upp á sex til átta klukkustunda rafhlöðuendingu. „Þetta gefur fólki möguleika á að vera án rafmagns allan skóladaginn og veitir þar með mun meira frelsi,“ segir Daníel. Hann segist verða var við aukinn áhuga á léttari og meðfærilegri tölvum hjá viðskiptavinum sínum og bendir á svokallaðar fistölvur í því samhengi. „Fistölvur eru fartölvur í smærri kantinum, allt niður í að vera ekki stærri en hefðbundin bók og undir einu kílói að þyngd. Þær fást líka upp í ellefu tommu skjá sem er þá líkara stílabók að stærð,“ segir Daníel.


Hann segir að Acer standi sérlega vel að vígi á fistölvumarkaðnum. „Fistölvurnar eru í raun sérstakur markaður út af fyrir sig, en á þeim markaði er Acer með yfir helmings markaðshlutdeild á heimsvísu sem er ótrúlegur árangur. Acer fistölvurnar skera sig líka úr fjöldanum því þær eru fáanlegar í fjölmörgum litum, svo sem bláum, hvítum, bleikum, rauðum, brúnum og auðvitað svörtum. Helsti kostur þeirra er þó auðvitað verðið en þær eru afar hagkvæmar en þrátt fyrir það er þriggja ára ábyrgð á þeim eins og á öllum Acer fartölvum frá Svar tækni,“ segir Daníel.

Metnaður í þjónustu
Daníel segir að Acer hafi alla tíð verið mjög samkeppnishæfar og telur að fullyrða megi að Acer fartölvur séu bestu kaupin á markaðnum í dag. „Þær eru í flestum tilfellum ódýrastar en jafnframt mjög vel búnar og með þriggja ára ábyrgð. En við viljum ekki bara selja tölvurnar ódýrt heldur líka veita góða þjónustu og því er það okkur alveg jafn mikilvægt að þjónusta tölvuna eins og að selja hana,“ segir Daníel.

Bilanatíðni Acer er þó með því besta sem gerist að sögn Daníels og segir hann að því megi þakka að Acer sé ávallt með þeim fyrstu til að tileinka sér nýja tækni sem bætir endingu og nýtingargildi tölvunnar. „Sem dæmi má nefna sérstaka vörn fyrir harða diska sem virkar þannig að ef tölvan nemur hristing, til dæmis vegna þess að hún hefur dottið í gólfið, fer harði diskurinn í hlé til að reyna að koma í veg fyrir gagnatap, en slíkt getur auðveldlega gerst ef ekki er varlega farið. Jafnframt hefur Acer þróað tækni sem kallast SignalUp sem ætlað er að auka drægni þráðlauss netsambands,“ segir Daníel.

Þetta gefur fólki möguleika á að vera án rafmagns allan skóladaginn og veitir þar með mun meira frelsi,“ segir Daníel.


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga