Greinasafni: Skipulag
Glæsilegar þjónustuíbúðir á miðpunkti Reykjavíkur

Það hafa eflaust margir tekið eftir þremur nýlegum, svarthvítum fjölbýlishúsum norðan megin við Miklubrautina sem hafa staðið auðar að miklu leyti síðan fjármálakreppan brast á. Eignarhaldsfélagið Mörkin ætlar hins vegar að glæða þessi hús lífi á nýjan leik, en nú stendur fólki yfir sextugu til boða að tryggja sér búseturétt í þessum glæsilegu íbúðum við Suðurlandsbraut 58-62.
 

Hagstætt verð á íbúðarrétti
Um er að ræða 78 íbúðir sem eru frá 80 upp í 138 fermetrar að stærð og er sá háttur hafður á að fólk tryggir sér íbúðarétt með 30% íbúðaréttargjaldi sem gerir mánaðarlega leigu svo lægri en ella. Viðbrögðin hafa verið einstaklega góð samkvæmt Gísla Páli Pálssyni framkvæmdastjóra Eignarhaldsfélaginu Mörkinni sem sér um rekstur fjölbýlishúsanna. „Um er að ræða vandaðar íbúðir sem eru nú komnar á mjög hagstætt verð vegna breytta tíma,“ segir Gísli. „Í tengslum við þær  verður svo hægt að fá þjónustusem verður sniðin að þörfum íbúanna.“ „Fyrirspurnir eftir íbúðum hafa farið fram úr björtustu vonum, en við vorum búin að fá 130 beiðnir um skoðun áður en við byrjuðum að auglýsa. Fólk hefur náttúrulega vitað af þessum íbúðum lengi og haft áhuga á þeim enda nýjar íbúðir á góðum stað í Reykjavík þaðan sem er stutt í alla þjónustu sem fólk þarf að nýta sér,“ segir Gísli. 

Fyrstu íbúarnir munu koma til með að flytja inn í apríl. „Við reynum að stilla verði í hóf enda viljum við að sem flestir ráði við þetta fjárhagslega. Ef ég ætti að nefna verðdæmi þá er kaupverð á 80 fermetra íbúð í kringum 7,9 milljónir króna. Mánaðarleiga á slíkri íbúð yrði um 130 þúsund krónur með hússjóði sem stendur straum af rekstri og viðhaldi  húseignarinnar.“ Íbúðarréttur felur í sér rétt til þess að búa í íbúðinni ævilangt, eða svo lengi sem íbúar kjósa að hafa afnot af íbúðinni. Það þýðir að ekki er hægt að segja upp samningi við leigjanda eins og á venjulegum leigumarkaði. Við andlát eða ef fólk kýs að segja upp íbúðinni eru 30 prósentin endurgreidd  að frádreginni fyrninguog öðrum kostnaði samkvæmt reglum.

Rúmgóðar og bjartar íbúðir
Íbúðirnar eru misstórar, með tveimur upp í fjögur herbergi, en níu ólíkar gerðir eru af íbúðum. Að utan eru húsin með hvítri og svartri álklæðningu og allir gluggar eru úr áli og timbri. Íbúðirnar eru bjartar og rúmgóðar og skilast fullbúnar, með gólfefnum úr eik sem og eikarinnréttingum og -hurðum. Auk þess fylgir hluti eldhústækja, svo sem helluborð, vifta og ofn. Lögð hefur verið áhersla á að allt útlit íbúðanna sé stílhreint og fallegt.  Íbúðirnar snúa móti suðri og eru með útsýni yfir skjólgóða garða með göngustígum. Með flestum íbúðunum eru stórar og góðar suðursvalir en nokkrar íbúðir eru með svalir sem snúa í austur. Svölunum er hægt að loka svo hægt er að nýta þær allan ársins hring. Meiri lofthæð er í íbúðunum en gengur og gerist í Reykjavík og sérstaklega mikið er lagt upp úr hljóðeinangrun vegna nálægðarinnar við Miklubraut. Bæði eru hljóðdúkar undir parketi og gler húsanna sérstaklega hljóðeinangrandi. „Íbúðirnar eru sérstaklega hugsaðar þannig að fatlaðir geti farið um þær og hjólastólaaðgengi er sérlega gott,“ segir Gísli Páll.  Baðinnréttingin er með hilluskáp, salerni, vaskborði, sturtu og blöndunartækjum. Stærri íbúðum fylgir einnig setlaug. Gólf er flísalagt og með hita. Hvað  þvottaaðstöðu varðar, þá er gert ráð fyrir tengingu þvottavélar og þurrkara á baðherberginu í flestum íbúðunum, en í stærstu íbúðunum við Suðurlandsbraut 60 er sérþvottahús í íbúðinni. Einnig eru sameiginleg þvottahús á hverri hæð sem sex til sjö íbúðir deila.

Vilji maður halda sig á kunnuglegum slóðum


Suðurlandsbrautin er, eins og svo margir vita, í gamalgrónu hverfi í hjarta Reykjavíkur, sunnan við smáíbúðahverfið og norðan við Vogana og Heimana. „Þegar fólk er orðið eldra og vill færa sig í nýlegri og þægilegri íbúðir þá hefur það undanfarin ár mikið þurft að leita í útjaðar borgarinnar. Það eru ekki allir sem vilja það  og því erum við að bjóða fólki sem vill búa í þessum gamalgrónu hverfum en samt í nýrri íbúð, upp á fullkominn valkost.“ 

Nánari upplýsingar fást í síma 530-6100 til klukkan 15, alla virka daga. U an þess tíma er hægt að fá frekari upplýsingar í síma 8978080. Hægt er að senda   fyrirspurnirá netfangið morkin@ morkin.is.


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga