sýning | Einar Þorsteinn Ásgeirsson
Á sýningunni Hugvit sem opnuð verður í Hafnarborg nk. laugardag 7. maí verða sýndar teikningar, líkön, hönnunarmunir og heimildir um byggingar sem Einar Þorsteinn Ásgeirsson hönnuður hefur unnið á síðustu áratugum. Hugmyndir Einars byggja á þeirri sannfæringu hans að hugvit geti byggÁ sýningunni Hugvit sem opnuð verður í Hafnarborg nk. laugardag 7. maí verða sýndar teikningar, líkön, hönnunarmunir og heimildir um byggingar sem Einar Þorsteinn Ásgeirsson hönnuður hefur unnið á síðustu áratugum. Hugmyndir Einars byggja á þeirri sannfæringu hans að hugvit geti byÁ sýningunni Hugvit sem opnuð verður í Hafnarborg nk. laugardag 7. maí verða sýndar teikningar, líkön, hönnunarmunir og heimildir um byggingar sem Einar Þorsteinn Ásgeirsson hönnuður hefur unnið á síðustu áratugum. Hugmyndir Einars byggja á þeirri sannfæringu hans að hugvit geti byggt betri heim sé því rétt beitt. Verk hans endurspegla mikla þekkingu og einstaka sýn á lögmál náttúrunnar og hvernig beita megi þessum lögmálum í arkitektúr, hönnun og myndlist.



Hugmyndir hönnuðarins Einars Þorsteins Ásgeirssonar byggja á þeirri sannfæringu hans að hugvit geti byggt betri heim sé því rétt beitt. Verk hans endurspegla mikla þekkingu og einstaka sýn á lögmál náttúrunnar og hvernig beita megi þessum lögmálum í arkitektúr, hönnun og myndlist.

Á sýningunni Hugvit sem opnuð verður í Hafnarborg á laugardag verða sýndar teikningar, líkön, hönnunarmunir og heimildir um byggingar sem Einar hefur unnið á síðustu áratugum. Athygli verður jafnframt beint að stórmerkum uppgötvunum Einars á sviði rúmfræði, meðal annars gullinfangi, sem er flötungur byggður á fimmfaldri samhverfu. Hugmyndum Einars um framtíðarborgina Icelandic Oasis eru gerð skil í stóru líkani sem unnið er af ungum arkitektum og nemum í arkitektúr undir handleiðslu Einars.



Í sýningarskrá segir Pétur H. Ármannsson, annar sýningarstjóranna, að Einar Þorsteinn sé án vafa einn merkasti og frumlegasti hugsuður sem íslenska þjóðin hafi alið af sér. Þar vegi þyngst áratuga rannsóknir hans og uppgötvanir á sviði flatar- og rúmfræði. Þáttur Einars í íslenskri húsagerðarsögu er ekki síður athyglisverður og í raun einstæður kapítuli út af fyrir sig. Á sýningunni Hugvit gefst þannig kostur á að skyggnast inn í hugmyndaheim og feril sem á sér ekki samsvörun í verkum annars íslensks arkitekts.

Einar Þorsteinn lauk námi í arkitektúr við Tækniháskólann í Hannover í Þýskalandi árið 1969 og stundaði framhaldsnám og störf hjá arkitektinum Frei Otto í Stuttgart. Hjá honum vann Einar meðal annars að hönnun léttþaka og fleiri bygginga ólympíuþorpsins í München. Einar fluttist til Íslands árið 1972 og hóf rekstur Tilraunastofu burðarforma, sem sérhæfði sig í þróun tjaldbygginga og hvolfbygginga við íslenskar aðstæður. Í samvinnu við Seglagerðina Ægi hannaði hann hátíðartjöld fyrir merka viðburði í íslensku þjóðlífi, svo sem 1100 ára afmæli Íslandsbyggðar 1974, afmæli Reykjavíkur 1986 og 50 ára lýðveldishátíð á Þingvöllum 1994. Á áttunda og níunda áratugnum vann hann ötullega að því að opna augu samlanda sinna fyrir nýrri hugsun í húsagerð og skipulagi. Hann ritaði fjölda greina í blöð og tímarit um hugmyndir sínar og fékk einn merkasta hugsuð í byggingarlist 20. aldar, R. Buckminster Fuller, til að halda fyrirlestra hér á landi 1975 og 1979. Þá var Einar einna fyrstur til að vekja máls á vistvænni hugsun í byggingarmálum og skipulagi. Hugmyndir Einars þóttu nýstárlegar, umdeildar og fengu almennt lítinn hljómgrunn hér á landi á þeim tíma. Kunnastur er Einar án vafa fyrir hönnun kúluhúsa til íbúðar og fleiri nota, sem meðal annars risu á Ísafirði, við Hellu, Kópasker og í Hafnarfirði. Frá árinu 2000 hefur Einar verið búsettur í Berlín þar sem hann hefur einbeitt sér að skrifum og rannsóknum á þrívídd. Hann hefur unnið að mörgum verkefnum með myndlistarmanninum Ólafi Elíassyni og eiga þeir að baki langt og farsælt samstarf.



Sýningarstjórar eru þeir Pétur H. Ármannsson arkitekt og Guðmundur Oddur Magnússon grafískur hönnuður og prófessor við Listaháskóla Íslands.

Sýningunni er fylgt úr hlaði með veglegri útgáfu þar sem finna má texta eftir sýningarstjórana, viðtal og yfirlit yfir feril Einars auk fjölda mynda. Í tilefni sýningarinnar mun Epal framleiða hillueiningu Einars, Shelve to Go, í takmörkuðu upplagi.

Þriðjudaginn 3. maí sýnir Ríkisjónvarpið þátt um Einar Þorstein og störf hans í Berlín. Sýningin nýtur stuðnings Río Tinto Alkan í Sraumsvík.

Dagskrá Hafnarborgar í tengslum við sýninguna:

Einar Þorsteinn Ásgeirsson, sunnudag 15. maí og 22. maí kl. 15
Guðmundur Oddur Magnússon, fimmtudag 26. maí kl. 20
Pétur H. Ármannsson, sunnudag 12. Júní kl. 15


ljósmyndir: Guðmundur Oddur Magnússon

Upplýsingar veitir Klara Þórhallsdóttir, upplýsingafulltrúi Hafnarborgar s. 585 5790
Hafnarborg er opin alla daga frá kl. 12 – 17 en á fimmtudögum er opið frá kl. 12 -21 á kvöldin. Lokað þriðjudaga.
www.hafnarborg.is s. 585 5790


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga