Greinasafni: Hótel og gisting
Ferðaþjónustan að Móum

Hér er útsýni yfir allan Faxaflóann eins og hann leggur sig," segir Sólveig Jóna Jóhannesdóttir sem rekur ferðaþjónustuna á Móum sem er í um þriggja kílómetra fjarlægð frá Akranesi. Þegar komið er upp úr Hvalfjarðargöngunum norðanmegin er beygt út úr hringtorginu í átt að Akranesi og þremur til fjórum kílómetrum síðar er beygt að fyrsta bæ til hægri. Það eru Móar. Í húsinu á Móum er gisting en einnig eru þar tvö lítil sumahús sem taka hvort um sig fjóra til fimm manns í gistingu. Í húsunum eru salerni og sturta, gott eldhús og frábært útsýni. Í húsunum eru öll áhöld og tæki sem til þarf í eldhúsi og aðeins þarf að mæta með svefnpokann eða sængina og matinn. Í húsinu er gisting fyrir átta manns, bæði uppábúin rúm og svefnpokapláss. Þar er eldunar og hreinlætisaðstaða með sturtu. Þar er einnig setustofa og sólstofa sem vísar í suðvestur og þaðan er fallegt útsýni til Reykjavíkur allan hringinn og virkilega hægt að njóta sólsetursins. „Hingað kemur fólk til að skoða náttúruna hér í kring, til dæmis Glym og fegurðina í Hvalfirði og keyra upp í Borgarfjörð. Gönguleiðir hér eru skemmtilegar og er ég með leiðbeiningar um þær. Síðan er töluvert að sjá á Akranesi, byggðasafnið, steinasafnið, íþróttasafnið og þar er fín sundlaug," segir Sólveig.
Sjá bækling hér

Gistihúsið Móar
Móum
301 - Innri Akraneshreppur
Tel: 431 1389 - 897 5142


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga