Greinasafni: Sveitarfélög
Húnavatnshreppur


Myndin er af Fossum
í Svartárdal.
Áin heitir Fossá og gilið Fossagil



Húnavatnshreppur hefur uppá fjölmargt að bjóða varðandi ferðaþjónustu og útisvist, enda er sveitarfélagið afar viðfeðmt nær frá sjó við Húnaflóa að Langjökli og Hofsjölki í suðri. Sögustaðir eru fjölmargir og unnið er að uppbyggingu á menningartengdri ferðaþjónustu. Á Þingeyrum hefur verið byggt þjónustuhús sem fengið hefur nafnið Klausturstofa og er hún bylting í þjónustu við þær þúsundir ferðamanna sem árlega skoða Þingeyrakirkju.

Húnavatnshreppur er meirihlutaeigandi að Hveravallafélaginu en félagið hefur það að markmiði að bæta aðgengi ferðafólks á Hveravöllum. Einnig rekur Húnavatnshreppur ferðaþjónustu í nokkrum hálendisskálum á svæðinu. Ferðaþjónusta er rekin í Húnavallaskóla, Dalsmynni , Húnaveri og víðar í sveitarfélaginu. Hesta og gönguferðir eru í boði á vegum ferðaþjónustuaðila og nokkrar af bestu laxveiðiám landsins liggja um Húnavatnshrepp og einnig eru í hreppnum fjölmörg gjöful veiðivötn. Á haustdögum hafa fjár og stóðréttir sífellt vaxandi aðdráttarafl en Undirfells- Auðkúlu- og Stafnsrétt eru meðal stæstu fjárrétta landsins. Að framansögðu er ljóst að fjölmargt er í boði fyrir þá sem leggja leið sína um Húnavatnshrepp og ættu allir að geta fundið eitthvað við sitt hæfi.
  .

Sögustaðir Vatnsdælu, Grettissögu og fleiri fornrita eru víða í héraðinu og má í því sambandi nefna Þórdísarlund , Hof, Ás og Þorbrandsstaði.

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga