Amlóði. Eftir Magnús Tómasson
Árið 1990 pantaði Lista- og menningarsjóður Seltjarnarnesbæjar útilistaverk af Magnúsi Tómassyni (fæddur 1943) sem standa skyldi á opnu svæði nálægt Valhúsahæð. Verkið Amlóði var vígt þar tveimur árum síðar.

Verkið er gert úr basaltbjargi sem er borið uppi af fjórum stálfótum; þeir eru bognir efst, eins og til að undirstrika þunga steinsins. Nafn verksins er skírskotun til hinnar gömlu hefðar að nota björg til að reyna afl manna, en er um leið mótsagnarkennt og jafnvel skoplegt því minnsti steinninn í hinni fornu þrekraun er hér stærðarinnar bjarg. Í verki sínu teflir Magnús saman andstæðum eins og hefð og nútíma, þyngd og léttleika, efni og lofti sem vekja fólk til umhugsunar um afstæði viðtekinna gilda. Grettistak, stóri bróðir Amlóða, var settur upp á Akranesi árið 1995.
Ásdís Ólafsdóttir

Ár: 1990-1992.
Efni: basalt, ryðfrítt stál.
Stærð: 410x335x317 cm.
Staðsetning: við Bakkavör.

Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga