FRÁ UNUHÚSI TIL ÁTTUNDA STRÆTIS 15. maí – 30. ágúst 2009
Kjarvalsstaðir.
Um miðja síðustu öld stunduðu íslensku myndlistarkonurnar Louisa  Matthíasdóttir (1917–2000 ) og Nína Tryggvadóttir (1913–1968) nám hjá Hans Hofmann (1880–1966), þýskum málara sem varð einn helsti boðberi módernismans. Hofmann rak listaskóla sinn að West Eight  Street, New York, en áður en Louisa og Nína héldu vestur um haf voru þær fastagestir í Unuhúsi, litlu rauðu húsi í Garðastræti, sem jafnan var skipað kunnum skáldum, rithöfundum og myndlistarmönnum.
 Á sýningunni eru verk Louisu og Nínu í forgrunni og hafa flest þeirra ekki verið sýnd hérlendis áður. Á sjötta tug olíuverka eru á sýningunni eftir Hofmann og nemendur hans þau Nell Blaine (1922–1996), Jane Freilicher (1924) og Robert De Niro eldri (1922–1993) sem öll eru velþekkt í bandarísku listalífi. Verkin voru fengin að láni úr bandarískum einkasöfnum fyrir tilstilli Tibor de Nagy Gallery og Amaringer Yohe Fine Arts.

Sýningarstjóri er Hrafnhildur Schram sem þekkir tímabilið vel og hefur skrifað bók um Nínu.

Texti eftir Hrafnhildi Schram

Sýningin er á dagskrá Listahátíðar í Reykjavík.

Sunnudag 21. júní kl. 15
Kjarvalsstaðir – Frá Unuhúsi til Áttunda strætis
Una Dóra Copley, dóttir Nínu Tryggvadóttur tekur þátt í leiðsögn.

Sunnudag 26. júlí kl. 15
Kjarvalsstaðir – Frá Unuhúsi til Áttunda strætis
Dagskrá í tengslum við sýninguna.

Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga