JEANNETTE CASTIONI í Listamannaspjalli í Hafnarborg
Næstkomandi fimmtudag kl. 20 mun Jeannette Castioni ræða við gesti um verk sitt og þáttöku í sýningunni Í bili  en með í för verður Ólöf Gerður Sigfúsdóttir sýningarstjóri sýningarinnar. En markmið hennar er að skapa vettvang fyrir gagnrýna umræðu um þekkingarsköpun og hlutverk listasafna í því samhengi.                                                
Jeannette Castioni lauk BA-námi við Listaháskóla Íslands árið 2006. Áður hafði hún stundað nám í forvörslu í Flórens á Ítalía 1990-1993 og listnám við Accademia di belle Arti í Bologna 1998-2002. Í verkum sínum rannsakar hún viðfangsefni sem tengjast menningar- og samfélagslegum spurningum og efasemdum. Hún þenur hefðbundin mörk, þar sem nám hennar og bakgrunnur hafa mikil áhrif og nýtast henni sem verkfæri til að skoða og dýpka viðfangsefnin. Jeannette hefur m.a. sýnt verk sín í D-sal Listasafni Reykjavíkur auk þess sem hún hefur tekið þátt í ýmsum samsýningum bæði hér á landi og erlendis. www.jeann.net
Sýningin Í bili er afrakstur tilraunakennds samvinnuferlis þar sem sýnendahópurinn hittist reglulega ásamt gestafyrirlesurum úr háskólasamfélaginu. Hún vísar til hins sögulega fyrirbæris furðustofu eða Wunderkammer sem talið er marka upphaf safna nútímans. Næstkomandi sýningarhelgi verður jafnfram síðasta sýningarhelgin.
Listamennirnir sem eiga verk á sýningunni eru: Bryndís Snæbjörnsdóttir & Mark Wilson, Daníel Björnsson, Gretar Reynisson, Haraldur Jónsson, Hildigunnur Birgisdóttir, Hugsteypan (Ingunn Fjóla Ingþórsdóttir & Þórdís Jóhannesdóttir), Ingirafn Steinarsson, Jeannette Castioni, Magnús Árnason, Olga Bergmann, Ólöf Nordal og Skyr Lee Bob (Erna Ómarsdóttir, Guðni Gunnarsson & Lieven Dousselaere).
 
Ókeypis aðgangur.
Nánar um dagskrá á heimasíðu safnsins
www.hafnarborg.is
 

Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga