Arsenikturninn. Eftir Anne B. Ragde

Þegar amma Therese deyr – gamla revíusöngkonan Amalie Thalia sem ung heillaði Kaupmannahafnarbúa í hlutverki sjálfrar Lolu Lolu – opnast grafir sem geyma vel falin fjölskylduleyndarmál. Therese hefur aldrei skilið hvers vegna móðir hennar, Ruby, hataði móður sína svo mjög að hún fagnar dauða hennar. Ruby hefur fyrir sitt leyti aldrei skilið hvers vegna móðir hennar var sá þversagnakenndi gallagripur sem hún var. Við förum hægt aftur í tímann og kynnumst kynslóðunum, hverri af annarri, uns allt liggur ljóst fyrir.

Arsenikturninn er óvenjuleg og heillandi ættarsaga, grimm og sár, um óbugandi lífsvilja, leiklistardrauma og afdrifaríkar ástir.

Íslendingar hafa tekið bókum Önnu B. Ragde tveimur höndum en þríleikur hennar, kenndur við Berlínaraspirnar, hefur selst í bílförmum. RÚV sýndi geysivinsæla norska þáttaröð byggða á þríleiknum nú í vor.


 

„… mikil fjölskyldusaga… afskaplega fallegur stíll og hún er vel skrifuð. Bók sem höfðar til margra…“
Þorgerður E. Sigurðardóttir / Kiljan

„… fín bók, mikill „örlaga litteratúr“ …fallega skrifuð … voða gaman að þessu.“
Illugi Jökulsson / Kiljan

„Ofboðslega fínn sögumaður“
Egill Helgason / Kiljan

„Ótrúlega viðburðarík og tilfinningarík saga
sögð af sjálfstrausti og gleði.“
Adresseavisen


Anne B. Ragde er einn vinsælasti rithöfundur Noregs um þessar mundir. Hún er fædd árið 1957 og fyrsta bók hennar kom út árið 1986. Það var barnabókin Hallo! Her er Jo!
Fyrsta bók Ragde sem ætluð var fullorðnum, En tiger for en engel, kom út árið 1990 en hún sló í gegn með Berlínaröspunum sem út kom árið 2004 og hefur verið þýdd á 15 tungumál.


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga