Fæddur í dimmum skugga. Eftir Andrea Busfield

Fawad er ellefu ára afganskur drengur sem hefur á stuttri ævi kynnst stórum sorgum: faðir hans og bróðir voru drepnir, systir hans numin á brott og móðir hans verður að treysta á góðvild ættingja til að komast af. En þrátt fyrir allt þetta heldur Fawad ávallt í lífsgleðina.

Móðir hans ræður sig í vinnu hjá vestrænni konu sem er í háskalegu ástarsambandi við Haji Khan, alræmdan stríðsherra. Fawad er í fyrstu ekkert um hann gefið en kemst að raun um að ástin getur haft undarleg áhrif á ólíklegustu menn. Nærvera stríðsherrans dugir þó ekki til að afstýra enn einum harmleik í lífi Fawads, svo skelfilegum að nærri lætur að drengurinn glati því sem hann hélt að aldrei bifaðist: föðurlandsástinni.

Andrea Busfield er bresk blaðakona sem hefur starfað og búið í Afganistan. Fæddur í dimmum skugga er fyrsta skáldsaga hennar.

Guðni Kolbeinsson þýddi.

„Allt frá fyrstu síðu nær þessi dásamlega saga tökum á hjarta og ímyndunarafli lesandans … Sterk og áhrifamikil.“
The Sun

„Lesendur sem vilja kanna aðra menningarheima og samtímaviðburði í gegnum skáldskap finna hér forvitnilega mynd af lífinu í Afganistan nútímans.“
Library Journal


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga