Elskar mig, elskar mig ekki. Eftir Eiríkur Örn Norðdahl, Jónína Leósdóttir

„Svo kyssti hún mig. Bara svona allt í einu. Fyrst stuttan, feiminn koss sem hitti munnvikið á mér. Mér brá auðvitað og ég þurrkaði mér um munninn. Svo horfðumst við í augu og hlógum. Þetta var misheppnaður koss. Þegar við vorum hætt að hlæja tók hún um höfuðið á mér og dró mig að sér og stakk tungunni djúpt inn í munninn á mér.
Hún var heit og rök.“

Sögurnar í Elskar mig – elskar mig ekki fjalla allar um að vera ástfanginn, vera elskaður og þora að fylgja hjarta sínu. Sextán norrænir höfundar frá átta málsvæðum skrifa hér um ástina í allri sinni fjölbreytni fyrir lesendur frá 13 ára aldri. Meðal höfunda í bókinni eru Jónína Leósdóttir og Eiríkur Örn Norðdahl.

Sögurnar sextán eru allar skrifaðar sérstaklega fyrir þessa bók sem unnin var í samstarfi átta norrænna útgefenda: Milik á Grænlandi, Bókadeildarinnar í Færeyjum, Samlaget í Noregi, Art People í Danmörku, Opal í Svíþjóð, Tammi í Finnlandi, Davvi Girji á samíska málsvæðinu og Forlagsins á Íslandi.

Böðvar Guðmundsson íslenskaði sögur allra erlendu höfundanna. Sögur finnsku, samísku og grænlensku höfundanna voru þó fyrst þýddar á millimál. Norræna ráðherranefndin styrkti þýðingu sagnanna.

„Sögurnar eru allar mjög ólíkar en eiga það að mínu mati sameiginlegt að vera allar  ótrúlega grípandi og krúttlegar.“
Kolbrún Skaftadóttir / Miðjan.is

„Gullnáma sem sýnir á sannfærandi hátt líf unglinga í átta norrænum löndum … flott og sérlega gagnleg útgáfa fyrir elstu árganga grunnskólans.”
www.undervisere.dk

„Bókin geymir kraftmiklar sögur sem spanna ástina, allt frá þeirri sem særir til þeirrar sem gleður mest.”
Anneli Stenberg / Bibliotekstjänst


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga