Fólkið í kjallaranum. .Eftir Auður Jónsdóttir

Fólkið í kjallaranum fjallar um Klöru sem ólst upp við frjálslyndi hippaforeldra og átti skrautlega æsku, en er nú í sambúð með ungum manni á uppleið. Ákveðin atvik verða til þess að hún gerir upp við hugsjónir foreldranna, jafnframt því sem hún tekst á við gildismat eigin kynslóðar. Um leið uppgötvar hún nýjar hliðar á sjálfri sér og eigin lífi. Fólkið í kjallaranum er kraftmikil skáldsaga sem brýtur til mergjar ýmsar venjubundnar hugmyndir um lífið og tilveruna og knýr lesanda til afstöðu. Bókin hlaut Íslensku bókmenntaverðlaunin árið 2004 og var tilnefnd til Bókmenntaverðlauna Norðurlandaráðs.

Borgarleikhúsið sýnir í haust leikgerð bókarinnar í leikstjórn Kristínar Eysteinsdóttur, nánar um sýninguna hér.

„Í fjörlegri frásögn sinni tekst Auði að draga einkenni þessa tvískinnungs upp á yfirborðið í texta sem er allt í senn; tragískur og fyndinn, umburðarlyndur og dómharður, hlýr og kaldranalegur … afar áhrifarík.“
Fríða Björk Ingvarsdóttir, Mbl.

„Fólkið í kjallaranum er margslungin skáldsaga sem greip mig svo fast og snerti mig svo sterkt að ég hreinlega táraðist á stundum.“
Úlfhildur Dagsdóttir, bokmenntir.is

„Besta bók Auðar.“
Jón Yngvi Jóhannsson / Kastljós


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga