Hvalir. Eftir Jón Baldur Hlíðberg, Sigurður Ægisson

Áhugi á hvalaskoðun hefur aukist mjög á undanförnum árum og er bókin Hvalir hugsuð til að mæta vaxandi þörf fyrir aðgengilegt efni um þessar dularfullu skepnur. Hún nýtist í senn við að skoða hvali í náttúrulegu umhverfi sínu og sem almennt uppflettirit.
Fjallað er um allar hvalategundir í tempruðum og köldum sjó Norður-Atlantshafsins í greinargóðum texta og einstakar myndir draga fram öll helstu sérkenni dýranna.

Bókin skiptist í tvö hluta. Sá fyrri er greiningarlykill sem auðveldar notandanum að þekkja á svipstundu þá hvali sem hann sér. Bent er á helstu útlitseinkenni, hátterni og áþekkar tegundir. Í síðari hlutanum er almenn umfjöllun um hvali og einstakar tegundir í hafinu umhverfis okkur.

Bókin kemur út á íslensku og ensku. Hún er í handhægu mjúku broti og ríflega 150 síður.


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga