Makalaus . Eftir Þorbjörg Marinósdóttir

Út er komin drepfyndin saga úr íslenskum samtíma eftir blaðakonuna, bloggarann og djúpulaugarvörðinn Þorbjörgu Marinósdóttur.
Makalaus er skáldsaga (sem þó er að nokkru byggð á raunverulegum atburðum í lífi höfundar) sem sver sig í anda „chic lit“ bóka sem á íslensku gætu kallast skutluskáldskapur.
Aðalsöguhetjan í þessari bráðfjögugu bók er ung og einhleyp stúlka í Reykjavík sem lýsir á frjóan hátt sínum persónulegustu hugðarefnum fyrir lesendum. Rómantíkin og reykvíska skemmtanalífið koma nokkuð við sögu en það gera líka flottir kroppar í Laugum, Facebook-statusar og sætir silfurrefir!


„Skínandi skvísuskrudda … Málfar Tobbu er oft mjög skemmtilegt, hún er mikið í nýyrðasmíð og er með sniðugan og hugmyndaríkan orðaforða….Bókin er hröð og lífleg … tilvalin til að taka með sér í sólbaðið eða bústaðinn í sumar.“
Ingveldur Geirsdóttir / Morgunblaðið

„Höfundur kann að orða hlutina ótrúlega skemmtilega, myndlíkingarnar hennar eru frumlegar og fyndnar... Mæli með þessari fyrstu skvísubók Íslands.“
Kolbrún Skaftadóttir / midjan.is

„Töff og nútímaleg. Fyrir alla sem eru eitthvað að spá í leikinn milli kynjanna.“
Sölvi Tryggvason, sjónvarpsmaður

„Kolsvartur húmor og óheflað orðbragð fær mann ítrekað til að hlæja upphátt. Upphátt? Maður pissar í sig!“
Halla Vilhjálmsdóttir, leik- og söngkona

„Bridget Jones, eat your heart out!“
Haffi Haff


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga