Berlínaraspirnar. Eftir Anne B. Ragde

Fyrsta bókin í metsöluþríleik norsku skáldkonunnar Anne B. Ragde.

Í dimmum desembermánuði liggur gömul kona fyrir dauðanum í Þrándheimi. Á meðan hún bíður örlaga sinna þurfa eiginmaður hennar, þrír synir og sonardóttir að takast á við atburði fortíðar til þess að geta hafið nýtt líf. En hvernig eiga gamall maður sem þvær sér ekki, hundaþjálfari, smámunasamur útfararstjóri, svínabóndi og samkynhneigður gluggaútstillingameistari að finna sameiginlegan takt í tilverunni?

Anne B. Ragde er nú vinsælasti höfundur Noregs. Berlínaraspirnar varð margföld metsölubók í Noregi, skaut Da Vinci-lyklinum aftur fyrir sig, enda er hún skrifuð af miklu næmi fyrir ólíkum hliðum tilverunnar og snýst um grundvallarspurningar; hvernig hægt er að sættast við tilveruna í stað þess að flýja hana.
Pétur Ástvaldsson þýddi.

„Áhrifamikil, vel skrifuð og geysilega heillandi skáldsaga“
Aftenposten

„Hittir beint í mark.“
Dagbladet

„Aldrei dautt augnablik … Anne B. Ragde hefur sérstaka hæfileika til þess að lýsa glímu venjulegs fólks við eigin kosti og galla þannig að það verður spennandi fyrir lesanda.“
Berit Kobro, VG

Anne B. Ragde er einn vinsælasti rithöfundur Noregs um þessar mundir. Hún er fædd árið 1957 og fyrsta bók hennar kom út árið 1986. Það var barnabókin Hallo! Her er Jo!

Fyrsta bók Ragde sem ætluð var fullorðnum, En tiger for en engel, kom út árið 1990 en hún sló í gegn með Berlínaröspunum sem út kom árið 2004 og hefur verið þýdd á 15 tungumál.


Tengt efni

Eldri tölublöð
Efnisyfirlit
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga