Íbúðir við allra hæfi



Sérlega glæsilegar íbúðir á Seltjarnarnesi

Á skömmum tíma hafa Íslenskir aðalverktakar orðið leiðandi aðilar á íbúðabyggingamarkaði og á undanförnum misserum hefur félagið byggt hundruðir íbúða sem seldar hafa verið almenningi. Eyjólfur Gunnarsson, framkvæmdastjóri sölu- og markaðssviðs ÍAV, segir þennan þátt í starfsemi ÍAV fara vaxandi. „Lóðastaða fyrirtækisins er mjög góð og útlit fyrir að íbúðabyggingar hjá okkur haldi áfram að aukast. Við erum nú með til sölu íbúðir við Hrólfsskálamel á Seltjarnarnesi, Sóltún og Gullengi í Reykjavík og Norðurbakka í Hafnarfirði. Þá erum við með til sölu raðhús við heilsustofnun Náttúrulækningafélagsins í Hveragerði og einbýlis og raðhús á Egilsstöðum og Reyðarfirði en  á vefsíðu okkar, www.iav.is, má sjá allar helstu upplýsingar,“ segir Eyjólfur.


Íburður á Seltjarnarnesi
Í júní síðastliðnum hófust byggingaframkvæmdir og sala á 26 íbúðum við Hrólfsskálamel á Seltjarnarnesi en alls áforma Íslenskir aðalverktakar að reisa þar þrjú fjölbýlishús; samtals með um 80 íbúðum. Íbúðirnar 26 við Hrólfsskálamel 2 – 8 verða mjög íburðarmiklar og einstaklega glæsilegar að allri gerð og segir Eyjólfur Gunnarsson að þær verði hlaðnar nútímaþægindum. „Það verður hugað sérstaklega að öllum þægindum og þess  gætt að íbúar hússins búi við flesta þá kosti sem fylgja einbýli, á sama tíma og ókostir á borð við umfangsmikið viðhald verður úr sögunni. Staðsetning Hrólfsskálamels er einstök á höfuðborgarsvæðinu en melurinn stendur hátt á Seltjarnarnesi og þar er útsýni mjög gott. Stutt er í fagrar gönguleiðir meðfram nesinu og að sundlaug Seltjarnarness en um leið er aðeins steinsnar í alla þjónustu og í miðbæ Reykjavíkur. Einn af betri golfvöllum landsins er skammt frá, vestast á Seltjarnarnesi, og öll aðstaða til íþróttaiðkunar er afbragðsgóð. Þetta verða því sannkallaðar draumaíbúðir,“ segir Eyjólfur. Þráðlaus stýring lýsingar verður og rafdrifin gluggatjöld. Í hverri íbúð verður plankaparket, baðherbergin flísalögð sem og forstofu- og þvottahúsgólf. Innréttingar verða frá danska fyrirtækinu JKE Design með granítborðplötum en heimilistækin koma frá Miele. Bæði þessi fyrirtæki hafa getið sér gott orð fyrir mikil gæði  og hagnýta hönnun. Hærra verður til lofts í þessum íbúðum en almennt er og innfelld lýsing í loftum með Instabus ljósastýringakerfi sem staðsett verður í tækniskáp miðsvæðis í hverri íbúð. Hægt verður að stjórna þráðlaust lýsingu og gólfhita, draga gardínur til og frá, stjórna loftræstingu og fleiru. Einnig verður boðið upp á sveigjanlega og notendavæna tengimöguleika fyrir sjónvarp, tölvu, raftengingar og rafstýringar. Mikil áhersla er lögð á að hljóðeinangrun milli íbúða verði sem best og skýli úr hertu gleri verða á svölum. Innangengt verður úr bílageymslu inn í stigaganga í kjallara en gert er ráð fyrir einu til þremur bílastæðum fyrir hverja íbúð. Í kjallara verða rúmgóðar geymslur fyrir íbúðir, auk aðstöðu fyrir húsvörð. Í anddyri hvers stigagangs verður mynddyrasími og öryggismyndavél.
Að utan verður húsið klætt að mestu með leirbrenndum flísum en að hluta með sléttri álklæðningu. Allir gluggar verða álklæddir timburgluggar og húsið þarfnast því lágmarksviðhalds.
Eyjólfur Gunnarsson segir að sala á íbúðunum gangi mjög vel en fyrstu íbúðirnar verða afhentar í nóvember á næsta ári.


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga