Frá útgefanda - Sumarland 1.árg. 1.tbl.

Sumarlandið – mannlíf og ferðaþjónusta á Íslandi 2008, er kynning á hluta af þeim ævintýralegu möguleikum sem standa ferðalangnum til boða á Íslandi í sumar. Í blaðinu er farið hringinn í kringum landið , stiklað á stóru og smáu í ferðaþjónustunni, til dæmis gistingimöguleikum frá fjörum til fjalla, veitingahúsum, verslunum með matvöru og bakaríium – því öll viljum við fá okkar ferska daglega brauð og gott að vita hvar hægt sé að nálgast þau. Þá eru skoðaðir ýmsir afþreyingarmöguleikar, eins og hestaferðir, gönguleiðir, siglingar, sjóstöng, skemmtileg söfn, fuglaskoðun, selaskoðun, dýragarðar og hinar ýmsu hátíðir sem verða í fjölmörgum sveitarfélögum í sumar. Einnig er rætt við sveitarstjóra, ferðmála- og upplýsingafulltrúa víða um land til að kynnast betur kostum hinna ýmsu sveitarfélaga með tilliti til búsetu, atvinnumála og ferðaþjónustu. Að auki lítum við inn hjá ýmsum forvitnilegum fyrirtækjum sem eru staðsett á landsbyggðinni og framleiða og flytja inn sérstæða og skemmtilega vöru. Markmið okkar er að hver sá sem ferðast um landið  – núna þegar sumarið er komið fyrir alvöru, með sól og blíðu um allt land – hafi Sumarlandið við hendina til að uppgötva áður þekkta möguleika í ferðaþjónustunni og njóta þannig ferðarinnar enn betur en ella.

Einar Þorsteinn Þorsteinsson


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga