Golfvöllur inni í bænum
Víkurvöllur í Stykkishólmi er níu holu völlurog nánast inni í bænum, rétt sunnan við tjaldsvæðið og Hótel Stykkishólm. Náið samstarf hefur verið milli klúbbsins og tjaldsvæðisins og þjónar golfskálinn gestum tjaldsvæðisins að hluta, meðal annars með hreinlætisaðstöðu, sem og þvottavél og þurrkara sem eru við skálann.
Það er ekki víða sem fólk getur sett upp tjaldvagninn og grillið, tekið fram golfkerruna og gengið út á völl. Leikið þar 9. holuna og um leið fylgst með hvort ekki sé allt í góðu standi á tjaldsvæðinu. Eftir að hafa fullvissað sig um að svo er og bjargað parinu, að geta sest niður á veröndinni á skálanum og notið veitinga og útsýnisins yfir völlinn og innanverðan Breiðafjörð. 

Í tveggja mínútna göngufæri er svo íþróttamiðstöð bæjarins með frábærum sundlaugum og annarri aðstöðu . og ekki þarf einu sinni að fara yfir götu til að komast að henni frá tjaldsvæðinu. 

Hótel Stykkishólmur stendur á hæðinni ofan við völlinn og tjaldstæðið og í gamla bænum við höfnina eru rómaðir veitingastaðir sem taka vel á móti kylfingum sem vilja heldur láta stjana við sig en hita upp grillið.

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga