Frá útgefanda
Það er algengt að fólk velti því fyrir sér hvers vegna þörf er fyrir allar þær stofnanir og fyrirtæki sem koma að bygginga-og skipulagsmálum. Oft getur verið erfitt að greina á milli aðskiljanlegustu hlutverka þessara stofnanna, hvar þau mætast og hvar þau skerast. Í undangegnum tölublöðum af skipulagi, hönnun og byggingum höfum við leitast við að gera grein fyrir hlutverkum þessara stofnanna í einhverju mæli og höldum því áfram að þessu sinni. Í þessu tölublaði gerum við grein fyrir Framkvæmdasýslu ríksins. Ennfremur ræðum við við skipulagsstjóra ríkisins um hið nýja frumvarp til skipulagslaga sem lagt hefur verið fram á Alþingi. Í viðtölum við hönnuði og byggingaaðila veltum við fyrir okkur þeirri stöðu sem komin er upp á fasteignamarkaði og hvaða áhrif hún muni hafa á svæðaskipulag og byggingaframkvæmdir á næstu misserum. Það er ávallt forvitnilegt að skyggnast inn í hugmyndaheim þeirra sem skapa nýjungar. Að þessu sinni er rætt við Einar Þorstein Ásgeirsson um glerhjúpin sem verður á nýja tónlistar-og ráðstefnuhúsinu í Reykjavík- en form glerkubbanna í hjúpnum á ekkert skylt við stuðlaberg.

F.h. Land og sögu,

Einar Þorsteinn Þorsteinsson


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga