Greinasafni: Skipulag einnig undir: Arkitektar
EG skrifstofuhúsgögn

“Góð skrifstofuhúsgögn eru skilyrði fyrir góðu starfsumhverfi og ánægðum starfsmönnum”

- segir Einar Gylfason, forstjóri E G SkrifstofuhúsgagnaE G Skrifstofuhúsgögn var stofnað í apríl 1996 og verslunin Ármúla 20 var opnuð 1. ágúst sama ár. Eigendur eru hjónin Einar Gylfason og Sigríður Magnúsdóttir. Fyrirtækið flutti í eigið húsnæði að Ármúla 22 í október 2003 og um leið var nafni þess breytt í E G Skrifstofuhúsgögn sem lýsir betur vöruvali þess. Markmið E G Skrifstofuhúsgagna er að sjá fyrirtækjum fyrir húsbúnaði. Stefnt er að því að hafa afgreiðslutíma stuttan og þjónustuna góða auk þess sem vörur séu smekklegar, traustar og á hagstæðu verði. Boðið er upp á teikniþjónustu án endurgjalds og felur það í sér að sölumaður kemur og máltekur, teiknar og gerir fast og bindandi tilboð miðað við uppsett húsgögn. Einnig er hægt að fá skrifborðsstóla lánaða til prufu í viku án skuldbindinga. Fyrirtækið býður fyrst og fremst upp á fjölbreytt úrval stóla, skrifborða, skápa, skermveggja auk taflna.



Einar Gylfason, forstjóri, segir að hann hafi selt húsgögn og leikið sér í húsgagnaverslun frá barnæsku en hann er sonur annars tveggja eigenda húsgagnafyrirtækisins Ingvars & Gylfa. Fyrir liðlega 20 árum hóf hann störf í húsgagnadeild Pennans og síðan við fjármálastjórn og var þar í ein 10 ár. Þaðan fór hann til GKS trésmiðju sem var þá stærst sinnar tegundar á markaðnum og starfaði þar í 3 ár, eða þar til hann stofnaði eigin fyrirtæki. Öll árin sem E G Skrifstofuhúsgögn hafa verið á markaðnum hefur verið vöxtur í fyrirtækinu.
“Mig langaði til að fara að gera eitthvað fyrir sjálfan mig og við hjónin vorum tilbúin að fórna einhverju í þá tilraun, gerðum allt eins ráð fyrir að tapa í þeirri viðleitni, en gangurinn hefur aðeins verið upp á við öll þessi ár. Við erum nú í 530 m2. Konan vinnur hér líka, sér um bókhaldið,” segir Einar Gylfason.

- Þið hafið allt frá upphafi lagt áherslu á að vera með vörur sem viðskiptavinunum líður vel í, á eða við, þ.e. hvort sem um setið er í stólum eða setið við borð. Hefur það verið svolítið vörumerki fyrirtækisins?
“Já, við hugsum mikið um það, að vörurnar passi inn í það umhverfi eða húsnæði þar sem á að nota þær og vinnuaðstaðan sé þægileg, góð og heilsuvæn. Þeir stólar sem við erum að selja eru markaðssettir sem slíkir stólar, þ.e. miðað við heilsuvænar lausnir, en séu jafnfram góð, traust og sterk vara. Norsku stólarnir frá HÅG eru með 10 ára ábyrgð og það er eilífðarábyrgð á hæðarpumpum stólanna og flest skrifborðanna bera 5 ára ábyrgð, en þau koma mjög víða að, s.s. frá Danmörku, Póllandi og Spáni.
Ég fer á vörusýningar og fylgist með markaðnum og hef náð þeim samböndum sem ég hef gegnum slíkar sýningar. Ákveðnar sýningar eru leiðandi í skrifstofuhúsgögnum, einna helst í Þýskalandi. Nú eru vörur frá Kína að flæða inn á markaðinn en gæði þeirra stenst engan samanburð við það sem við þekkjum frá evrópskum fyrirtækjum. En vissulega er þetta ódýr vara, og einhverjir horfa til þess. Ég læt mína viðskiptavini alltaf vita af því að þeir séu að kaupa vöru frá Kína, gæðin séu oft ekki í samræmi við útlit vörunnar. Ég vil frekar missa viðskipti eða viðskiptavini fremur en að hann verði óánægður með þá vöru sem hann er að kaupa hér hjá okkur. Ef viðskiptavinur er t.d. að kaupa skrifborðsstól spyr ég undantekningalaust hvernig á að nota hann og hvar. Sölumennska er ekkert annað en þjónusta.”

- Kemur fólk hér hinn vegna þess að það er slæmt í baki og vantar stól sem hentar því vegna þess?
“Já, hingað koma margir á þeim forsendum. Hingað kemur líka fólk sem er sent hingað af sjúkraþjálfurum, og við höfum líka verið hér með fyrirlestra hér í versluninni og verið þar með þekkta fyrirlesara á sviði sjúkraþjálfunar.”

Þeim fækkar sem sitja á slæmum stólum
Einar segir að um 95% af viðskiptum verslunarinnar sé við stofnanir og fyrirtæki, ekki sé mikið um einstaklinga, en að sjálfsögðu fái þeir bestu mögulegu þjónustu eins og fyrirtækin. Rammasamningar opinberra fyrirtækja og borgarfyrirtækja veita þeim verulegan viðskiptaafslátt enda oft um stór viðskipti að ræða. Svo er prúttað um verð, jafnvel daginn út og inn og telur Einar að báðir aðilar gangi sáttir frá borði.
Engin sérstök vara í búðinni býr að þeim forréttindum að geta kallast stolt búðarinnar, en stærsta og besta vörumerkið er líklega HÅG-stólarnir frá Noregi sem hafa staðið viðskiptavinum verslunarinnar frá upphafi, en HÅG er stærsta stólafyrirtæki á Norðurlöndunum og byggja mikið á því “consepti” að vera heilsuvænir og með 10 ára ábyrgð, á skrifstofu- og ráðstefnustólum. Góð skrifstofuhúsgögn eru skilyrði fyrir góðu starfsumhverfi og ánægðum starfsmönnum. Fyrirtækið lánar gjarnan stóla í úm vikutíma til þess að kaupandi fái að reyna þá áður en kaupin eru gerð. Dæmi eru þess að fólk hafi setið árum saman í slæmum stól, jafnvel biluðum, og uppgötvar ekki hvernig góður stóll er fyrr en það reynir einn slíkan. En þeim fækkar.

HÅG-stólarnir stærðarstillanlegir
“Skrifstofustóll sem endist í 15 ár er kannski notaður af þremur starfsmönnum sem eru mismunandi að líkamsþyngd og hæð, en hefur kannski ekki verið stærðarstilltur fyrir hvern og einn. Það er stóri kosturinn við HÅG-stólana að þeir eru stærðarstillanlegir, og oft bara eitt handtak. Þannig gætu tveir notendur verið með sama stólinn, annar fyrir en hinn eftir hádegi, og báðir still stólinn eftir sínu höfði án vandræða.”

- Hvort er algengara að fólk kaupi skrifstofuhúsgögn eftir auganu, þ.e. lætur fegurðarsmekkinn ráða, eða lætur hagkvæmni og heilsusjónarmið ráða?
“Það er ákveðin blanda af því að hvernig húsgögnin passi inn í rýmið, hvernig þau líta út og hvernig þau fara með líkamann. Sumir eru jafnvel að biðja um stóla sem eru með of litla krossa, og það er ólöglegt. Ef ekki er pláss fyrir krossinn undir stólnum er heldur ekki pláss fyrir þig. Það er mikið atriði að hjálpa fólki út úr ákveðinni villu, aðhæfa húsgögin að plássinu.”

- Eru vörurnar hér dýrar?
“Þær eru frekar ódýrar og flestir okkar viðskiptavina eru með góða kostnaðarvitund, þeim er falið að kaupa vörur innan ákveðins kostnaðarramma. Þess vegna koma þeir hingað til okkar. Við erum að ná um 50% af þeim tilboðum sem við gerum, og það er mjög ásættanlegt hlutfall því það eru harðir samkeppnisaðilar á markaðnum. Við erum með verðin í lægð en þjónustuna og gæðin fyrsta flokks,” segir Einar Gylfason, forstjóri E G Skrifstofuhúsgagna í Ármúlanum.


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga