Húsaco – Bohemia

Innflytjendur í útrás
Húsaco ehf. í Kópavogi er ört vaxandi heildsala sem flytur inn húsgögn, innréttingar og raftæki. Félagið rekur jafnframt verslunina Bohemia og á næstu misserum hyggst Húsaco hasla sér völl á erlendum mörkuðum. Í farvatninu eru kaup á húsgagnaverksmiðju í Kína en starfsmannafjöldi verskmiðjunnar er hálft fjórða hundrað.

Hjónin Davíð Torfi Ólafsson og Særún Harðardóttir reka heildsöluna Húsaco (www.husaco.is) og verslunina Bohemia (www.bohemia.is) en hvoru tveggja er til húsa að Akralind 4 í Kópavogi. Á meðal vöruflokka eru innréttingar, t.d. í eldhús, baðherbergi og svefnherbergi; húsgögn, til að mynda í eldhús og stofur en einnig garðhúsgögn. Þá eru líka á boðstólum ýmis raftæki svo sem kæliskápar, þvotta- og uppþvottavélar, vínkælar og nuddpottar.
Húsaco hefur vaxið ört að undanförnu en á meðal öflugra birgja fyrirtækisins eru framleiðendur sem selja vörur til margra stærstu og virðulegustu hótela og veitingastaða heims. Sem stendur er Húsaco að ljúka við að innrétta veitingastað í nýja turninum á Smáratorgi en Húsaco sá jafnframt um nær allar innréttingar og aðrar vörur í viðbyggingu Grand Hótel Reykjavík sem tekin var í notkun á dögunum

Þar má t.d. nefna að Húsaco sá að mestu leyti um allar innréttingar í nýreist Grand Hótel. Nú er fyrirtækið að ljúka við veitingastað í turninum á Smáratorgi.

Útrásarverkefni í Kína
Stjórnendur Húsaco eiga í viðræðum um kaup á húsgagnaverksmiðju í Dongguan-borg í Kína en kaupin eru áfangi í útrás fyrirtækisins á markaði í Evrópu og Bandaríkjunum. Hjá verksmiðjunni starfa nú um 350 manns en Húsaco?hefur jafnframt stofnað fyrirtæki í Hong Kong sem annast mun útflutninginn frá Kína.
Fram til þessa hefur Húsaco einkum flutt vörur til Íslands og Bahamas en Davíð Torfi, annar eigenda Húsaco, segir augljósa hagkvæmni felast í því að geta jafnframt stjórnað framleiðslunni. „Að auki er umrædd verksmiðja nú þegar með traust viðskiptasambönd bæði í Evrópu, Bandaríkjunum og Austurlöndum nær og það mun gagnast okkur vel, ekki síst hvað varðar hótel- og veitingahúsakeðjur,“ segir Davíð Torfi.



Verslunin Bohemia var opnuð fyrr á þessu ári en þar gefur meðal annars að líta margar af þeim vörum sem Húsaco flytur inn. Nú í nóvember og desember verða svonefndir Culina-dagar í versluninni og þá verður veittur afsláttur af öllum innréttingum og viðskiptavinum veitt endurgjaldslaus ráðgjöf.


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga