Þorvaldseyri
Hamfarir og ógnandi náttúra
Þegar Eyjafjallajökull rumskaði eftir langan dvala á síðasta ári komst Þorvaldseyri heldur betur í heimsfréttirnar. Eftirminnilegar eru ljósmyndir af öskuskýjum og ógnandi náttúrunni, fóru þær um víða veröld og vöktu ugg og aðdáun. Þorvaldseyri stendur sunnan undir Eyjafjallajökli um 6 kílómetra frá gígnum sem opnaðist og spjó eimyrjunni yfir alla landareignina og nágrennið. Norðlægir vindar sáu til þess að öskufall varð þar einna mest. Þessar hamfarir tepptu mörg hundruð þúsund flugfarþega víðast hvar í Evrópu. Það ríkti nokkur óvissa um framtíð búskapar á Þorvaldseyri, en síðan birti yfir þegar gras og korn stakk sér að nýju upp úr þykku öskulaginu. Askan reyndist hinn besti áburður auk þess sem hún vermdi allan gróður.

Til að minnast upphafs þessara miklu jarðelda hefur fjölskyldan á Þorvaldseyri opnað athyglisverða Gestastofu við þjóðveginn.  Þar fá gestir að líta hrikalegar ljósmyndir og 20 mínútna langa kvikmynd, sem segir sögu þessara miklu hamfara sem riðu yfir árið 2010.  Daglegu lífi búaliðs eru gerð eru skil í eftirtektarverðum upptökum og sýna hvernig lífið komst í eðlilegt horf og bjartir dagar horfðu við. Í Gestastofunni er starfrækt gjafavöruverslun með bækur auk minjagripa og framleiðsluvara búsins svo sem hveiti, byggmjöl, morgunkorn, sápur og nuddolíur sem framleiddar eru úr repjuolíu, sem kemur frá búinu.

Þorvaldseyri
Þorvaldseyri • 861 Hvolsvelli
487 5757
oli@thorvaldseyri.is
www.thorvaldseyri.is

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga