Greinasafni: Hótel og gisting
Móar undir Akrafjalli
Horft til höfuðstaðarins og á haf út
Á Móum, í um það bil þriggja kílómetra fjarlægð frá Akranesi er gistihúsið Móar. Þegar komið er upp úr Hvalfjarðargöngunum norðanmegin, er beygt út úr hringtorginu í átt að Akranesi og þremur til fjórum kílómetrum síðar er beygt að fyrsta bæ til hægri. Það eru Móar.  Sólveig Jóna Jóhannesdóttir, sem rekur ferðaþjónustuna á Móum býður upp á gistingu inni í húsi og tvö lítil sumarhús sem taka hvort um sig fjóra til fimm í gistingu. Í húsunum eru salerni og sturta og gott eldhús „með útsýni yfir allan Faxaflóann eins og hann leggur sig“ eins og Sólveig segir. Í húsunum eru öll áhöld og tæki sem til þarf í eldhúsi, aðeins þarf að mæta með svefnpokann eða sængina og matinn. „Síðan er ég með gistingu inni í húsi fyrir átta manns,“ segir Sólveig. „Þar sel ég uppábúið rúm á 4.500 krónur, en 3.000 í svefnpokapláss. Þar er eldunar- og hreinlætisaðstaða með sturtu. Þar er einnig setustofa og sólstofa sem snýr í suðvestur og þaðan er fallegt útsýni til Reykjavíkur og allan hringinn, og virkilega hægt að njóta sólsetursins. Svo er hægt að rölta sér upp í Akrafjall fyrir ofan bæinn og þaðan er nú aldeilis útsýnið. Hjá mér er hægt að fá leiðbeiningar um gönguleiðir á svæðinu.“ 

Þegar Sólveig er spurð hvað annað sé í boði fyrir ferðamenn á svæðinu, segir hún: „Hingað kemur fólk til að skoða náttúruna hér í kring, til dæmis Glym og fegurðina í Hvalfirði, keyra upp í Borgarfjörð. Fólk dvelur gjarnan hjá okkur í nokkra daga og ferðast héðan, hvort heldur til Reykjavíkur eða um svæðið. Það er mun hagstæðara heldur en að gista í Reykjavík, þótt fólk þurfi að kaupa bensín og gjaldið í göngin.  Síðan er töluvert að sjá á Akranesi, þar sem er byggðasafnið og steinasafnið, íþróttasafnið og þar er mjög fín sundlaug.“

Móar Gistihús
Hvalfjarðarsveit • 301 Akranesi
431 1389
sollajoh@simnet.is

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga