Einar Farestveit - Kynna fyrstir í Evrópu stóru KitchenAid heimilislínuna.

Einar Farestveit & Co. hf.

Kynna fyrstir í Evrópu stóru KitchenAid heimilislínuna.

Þráinn Bj. Farestveit
, sölu- og markaðsstjóri segir fagnaðarefni að stóru KitchenAid heimilistækin fáist nú aftur.


Það fer vel á því að KitchenAid valdi Ísland til að kynna fyrst í Evrópu nýja línu í stórum heimilistækjum. KitchenAid nafnið er svo samofið íslenskum heimilum þar sem KitchenAid hrærivélin hefur í marga áratugi verið langmest selda og notaða heimilistæki á íslenskum heimilum.

Einar Farestveit & Co.hf. er gamalgróið fyrirtæki var stofnað 1. apríl 1964 af Einari Farestveit og fjölskyldu hans. Fyrirtækið hóf starfsemi sína með innflutningi og þjónustu á báta- og skipavélum og ýmsum búnaði tengdum sjávarútvegi ásamt sjónvarps-, hljómflutnings- og heimilistækjum. Fyrirtækið var um langt árabil leiðandi í sölu og þjónustu á stærri dieselvélum fyrir skip og togara.
Á miðjum níunda áratugnum fór fyrirtækið að leggja megin áherslu á innflutning og sölu á rafeindatækjum, lækningatækjum, hitatækjum fyrir heimili og iðnað ásamt heimilis- og sjónvarpstækjum.
Einar Farestveit hefur skapað sér nafn á Íslandi með sölu á gæðavörum sem það hefur umboð fyrir og lagt sig eftir persónulegri þjónustu. Þegar örbylgjuofnarnir hófu innreið sína á sínum tíma rak fyrirtækið matreiðsluskóla og kennslu á ofnana og var fyrirtækið þá með allt að 23% markaðshlutdeild með Toshiba örbylgjuofna. Þá má geta þess að fyrirtækið er með stóra markaðshlutdeild á sumum sviðum lækningatækja og er í dag eitt af leiðandi fyrtækjum á sviði örgyggismyndavélakerfa, sjónvarptækja og DVD.

KitchenAid á Íslandi frá 1936
Þráinn Bj. Farestveit, sölu- og markaðsstjóri hjá Einari Farestveit segir Íslendinga hafi snemma kynnst KitchenAid: “Fyrst og fremst voru það hrærivélarnar frá Kitchen Aid sem voru þekktar, en Kitchen Aid hrærivélaranar hafa oftar en ekki gengið í erfðir hjá fjölskyldum síðustu sjötíu árin enda mjög endingargóðar. Kitchen Aid hefur í gegnum tíðina einnig framleitt önnur heimilistæki allt frá brausristum upp í þvottavélar, ofna, uppþvottavélar, háfa, ískápa og margt fleira.”
Reglur frá Evrópusambandinu urðu til þess að nánast ekkert var flutt af stórum tækjum frá KitchenAid í nokkur ár vegna mismunandi spennu. En þegar KitchenAid vörur voru fluttar til Evrópu frá Bandaríkjunum eftir stríðið voru settir straumbreytar við tækin, en með Evrópu reglunum var tekið fyrir það og fékkst ekki heimild til að flytja inn vörurnar með þessum hætti og þar með lokaðist á stóru tækin frá KitchenAid til Evrópu.
 Síðustu tíu ár hefur verið lögð mikil vinna í að koma vörunum aftur á markaðinn í Evrópu og um leið var verið að þróa vörulínu í takt við þarfir evrópubúa hvað varðar útlit og hönnun heimilistækja.
 Kitchen Aid hefur ávallt lagt mikið upp úr hönnun. Tæki frá þeim eru á hinu heimsþekkta Museum of Modern Art í New York. Þar er hrærivélin á virðingarstalli.Og nú eru stóru heimilistækin aftur fáanleg í Evrópu: “Í dag erum við með alla línun frá KitchenAid,” segir Þráinn, “og þar má nefna ofna, örbylgjuofna, helluborð, ísskápa, háfa, nýstárlegar uppþvottavélar, hitaskúffur undir ofna, kæliskúffur og kaffivélar ásamt áhaldaskúffum með sérstökum KitchenAid áhöldum.”
Kostir KitchenAid eru margir að mati Þráins: “Það sem er einstakt við tækin er í fyrsta lagi að þau eru öll framleidd úr stáli sem heitir Nano og er allt öðru vísi viðkomu en hefðbundið stál. Það er ekki svokallað snertifrítt stál sem er lakkað heldur er það búið sömu eiginleikum og drekkur ekki í sig fitu eða handfitu og er mjög þægilegt að þrífa og við erum með miklar væntingar varðandi KitchenAid, enda frábærar vörur í mörgum gerðum heimilistækja.”

Það eru mikil tíðindi fyrir KitchenAid unnendur og aðra matgæðinga að séu komin aftur. Þau fást í verslun Einars Farestveit að Borgatúni 28.

Hrærivélin orðin partur af þjóðsögunni
KitchenAid er eitt þekktasta merki Bandaríkjanna í heimilistækjum. Allt hófst þetta með fyrstu hrærivélinni. Verkfræðingurinn Herbert Johnston fylgdist með bakara hræra brauðdeig með þungri járnskeið. Hann leiddi hugann að því hvort ekki væri til auðveldari leið. Þetta var árið 1908 og lét hann reyna á verkfræðikunnáttu sína og þróaði vél sem í raun varð fyrsta hrærivélin sem sett var á markaðinn. Hrærivélinni var strax vel tekið og var hún fljótt notuð sem staðalbúnaður í öllum skipum bandaríska flotans.
Ellefu árum síðar réðust verkfræðingar hjá Hobart fyrirtækinu í það verkefni að þróa hrærivél til heimilisnota. Þegar eiginkonur yfirmanna Hobarts prófuðu vélina sagði ein þeirra. “Mér er sama hvað þið kallið hana en þetta er besta eldhúshjálpin (kitchen aid) sem ég hef fengið”. Og þar með kom nafnið sem fljótt varð heimsþekkt.

Þess má geta að fyrir síðari heimsstyrjöldina hannaði frægur hönnuður Egmont Arens (hannaði kókflöskuna) nýtt útlit hrærivélanna. Var um þrjár gerðir að ræða sem hann hannaði, sem eru svo að segja óbreyttar enn þann dag í dag og orðið að sígildu tákni eldhússins.
Hönnun hefur alltaf skipt miklu máli hjá KitchenAid og oftar en ekki hafa tækin verið í djörfum litum til að mæta þörfum hönnuða. Og í stuttu máli má segja að Kitchen Aid tæki séu ekki aðeins hönnuð til að mæta þörfum hvað varðar fagmennsku og leikni í matargerð heldur vekja þau einnig alltaf athygli fyrir áberandi hönnun og fallegt útlit.


Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga