Þar sem vorið ríkir
Sögur herma að öndvegissúlur hafi rekið á land. Þetta er landið þar sem miðnætursólin dansar,fossarnir glitra og söngur fuglanna er sem af öðrum heimi. Fámenn þjóð byggði þetta litla land - sem er samt svo stórt. kálfsskinnið varð rammi stórkostlegra sagna, torfið og grjótið hélt vindinum úti og sjórinn - já, sjórinn. Hann útvegaði björg í bú og varð líka vot gröf margra. Dagarnir liðu. Vikurnar. Mánuðirnir. Árin. Áratugirnir. Aldirnar. Grettir, Njáll, Egill... Kappar sem sagnir fjölluðu um lífs og liðna. Þeir voru líka margir raunverulegu kapparnir: Kotbóndinn. Höfðinginn.Vinnumaðurinn. Klerkurinn.Húsfreyjan. Íslendingar sem buðu birginn óblíðum náttúruöflum og stundum grimmum aðstæðum og möðkuðu mjöli. Jú, þetta fólk átti sér drauma. Það átti sér sýn. Það tók þátt í framförum. Það tók þátt í uppbygginu landsins - eyjarinnar við hafið bláa hafið sem hugann dregur. Torfið og grjótið viku fyrir við. Steypu. Kálfsskinnið vék fyrir pappír. Blaðsíðunum í sögu þessa lands fjölgaði. Sumir vildu út - grasið þótti grænna hinum megin. Vesturfarar kallast það fólk. Draumana áttu Íslendingarnir - hvort sem þeir bjuggu á eyjunni fögru eða á meginlandinu stóra í Vesturheimi.
Það varð bylting úti í heimi. Iðnbylting. Það varð breyting í mörgu sem hafði víða áhrif. Meðal annars í landinu í norðri þar sem kotbóndinn hafði slegið sitt tún í áranna rás með orfi og ljá og byggt upp sitt tún með stoltið í farteskinu.Iðnaður fór að blómstra eins og vorblómin gulu, lífshættir breyttust og tæknin hélt innreið sína. Og enn liðu áratugirnir. Árin.Mánuðirnir. Vikurnar. Dagarnir. Í dag býr á landinu þar sem öndvegissúlurnar eru sagðar hafa komið að landi dugleg þjóð;þjóð sem rís upp með stolti eftir erfiðleika - hvort sem þeir eru af náttúrunnar höndum eða af mannavöldum.
Hugmyndaflugið hefur vængi,draumarnir eru þeir sömu og þegar ritað var á kálfsskinn - eða kannski aðeins öðruvísi - og fuglarnir syngja sama sönginn. Lóan er komin og kveður burt snjóinn; það er vor í lofti þótt sólin sé eitthvað hlédræg þetta misserið og árstíðin segi annað. Það er vor í lofti því á þessu litla landi - sem er samt svo stórt - þar sem miðnætursólin dansar, fossarnir glitra og söngur fuglanna er sem af öðrum heimi býr fjöldi hugmyndaríkra einstaklinga sem hafa galdrað fram listaverk af ýmsum toga: Bókmenntir, fatnað, húsgögn, skart... Iðnaðarmannafélag Íslands. Þjóðminjasafn Íslands.Gagnavarslan. Kraum. Prologus.GÁ húsgögn. Gust... Lítill hluti af stærri heild í þessu blaði sem sýnir hluta af hugmyndaauðgi landans.

Skipulag, byggingar, menning og hönnun
2011, 2. tbl. 5. árg.

Útgefandi:
Land & Saga
www.landogsaga.is
landogsaga@landogsaga.is

Ritstjóri:
Einar Þorsteinsson
Einar@landogsaga.is

Framkvæmdarstjóri:

Einar Þorsteinsson
Einar@landogsaga.is
MarkaðS & Sölumál:
Anna Margrét Bjarnadóttir
Sigurlaug Ragnarsdóttir

Ljósmyndun og myndbandagerð:

Gabriel Rutenberg

Blaðamenn:

Bjarki Bjarnason
Geir A Guðsteinsson
Sigurlaug Ragnarsdóttir
Svava Jónsdóttir

Forsíðumynd:

Bankastræti um aldarmótin 1900
Reykjavík Art Gallerý

Umbrot & hönnun:

Guðni Albert Kristjánsson
gudni@icelandictimes.is

prentun:

Landsprent

dreifing:

Með  helgarútgáfu Morgunblaðsins um allt land

Prófarkalestur:

Guðbrandur Siglaugsson

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga