Greinasafni: Orka
Sorpa kaupir sjö metanbíla
Á degi umhverfisins, 25. apríl síðastliðinn, fékk SORPA bs. afhenta sjö metanknúna Volkswagen bíla frá Heklu. 

Um var að ræða fjóra VW Caddy life EcoFuel og þrjá VW Caddy EcoFuel en allir bílarnir eru með tvíbrennihreyfli sem þýðir að þeir geta gengið bæði fyrir metani og bensíni. Þrjóti metanið skiptir sjálfvirkt stýrikerfi yfir á bensínkerfið. Við þetta tækifæri sagði Björn H. Halldórsson, framkvæmdastjóri Sorpu: 


Frá afhendingu bílanna en allir
eru þeir með tvíbrennihreyfli
sem þýðir að þeir geta gengið
bæði fyrir metani og bensíni.


„Metan er innlendur, vistvænn orkugjafi, sem mikilvægt er að nýta eins og hægt er og er sérstaklega ánægjulegt að taka við sjö nýjum metanökutækjum á degi umhverfisins, sem að þessu sinni er sérstaklega tileinkaður loftslagsmálum“. 
Knútur G. Hauksson, forstjóri HEKLU, sagði í ávarpi sínu að metanbílar væru einhver umhverfisvænsti kosturinn á markaðinum í dag. 
„Volkswagen hefur frá upphafi verið í fremstu röð í þróun metanbíla. Athuganir sem gerðar hafa verið hér á landi sýna að eldsneytiskostnaður metanbíla er 30% lægri en bensínbíla. Það kostar um 50 krónum minna á hverja selda eldsneytiseiningu að aka á metanbíl. Þá er mikilvægt að hafa í huga að metan er hreinasta ökutækjaeldsneyti sem völ er á og það eina sem framleitt er hér á landi. Í samanburði við bensínbíl er 20% minna af koltvísýringi í útblæstri metanbíla, 74% minna af kolsýringi, 36% minna af köfnunarefnisoxíði og 60% minna af sóti“, sagði Knútur. 
Með nýju frumvarpi, sem varð að lögum í þinglok, var vörugjald fellt niður á bifreiðum knúnum metani. Verðlækkun samkvæmt því fer þess vegna eftir vörugjaldsflokkum hverrar bifreiðar. Búnaður í metanbílum er að öllu leyti eins og í bílum af sömu tegund, að undanskilinni eldsneytisrás fyrir metan, sem er aðskilin bensínkerfinu alveg frá áfyllingarstúti inn í brunahólf hreyfilsins.

Tengt efni

Eldri tölublöð
Öll blöð í vefútgáfu

Netútgáfa. Samhliða prentaða blaðinu verður einnig hægt að nálgast netútgáfu af blaðinu á slóðinni www.landogsaga.is. Greinarnar verða bæði í pdf og HTML formi sem gerir þér til dæmis kleift að senda þær áfram og nýta í markaðsskyni. Netútgáfan verður ítarlegri og verður hægt að senda inn efni sem sett verður á vefinn, umfram það efni sem er í blöðunum. Þessi vefur mun síðan halda áfram að vaxa og dafna. 

© 2007 - 2012 Land og saga